Ölkəmizdə vaksinasiya prosesi davam edir
Azərbaycanda son sutkada koronavirus əleyhinə 43 698 vaksin vurulub.
AYNA xəbər verir ki, bu barədə Nazirlər Kabineti yanında Operativ Qərargah məlumat yayıb.
Bir gündə birinci mərhələ üzrə vaksinasiya olunanların sayı 33 040, ikinci mərhələ üzrə vaksinasiya olunanların sayı 10 658 nəfərdir. Ölkədə vurulan vaksinlərin ümumi sayı 1 069 488, birinci mərhələ üzrə vaksinasiya olunanların ümumi sayı 627 503, ikinci mərhələ üzrə vaksinasiya olunanların sayı isə 396 985 təşkil edir.
