Ceyhun Bayramov: “Çin hökuməti bölgəyə giriş-çıxış qadağası qoysa da, biz bu məsələni nəzarətdə saxlayırıq”
“Çinin koronavirus təhlükəsi yaşanan ərazisində 7 tələbəmiz təhsil alır. Çin hökuməti ölkəyə və şəhərlərə giriş-çıxışa məhdudiyyətlər qoyulub. Amma biz bu məsələni nəzarətdə saxlayırıq”.
AYNA xəbər verir ki, bunu Təhsil naziri Ceyhun Bayramov deyib. 2019-cu ilin yekunları və 2020-ci ildəki planlara həsr olunan tədbirdə çıxış edən nazirin sözlərinə görə, hazırda Çində 62 nəfər dövlət xətti ilə təhsil alır.
“Ümumilikdə isə Çinin müxtəlif bölgələrində 500-ə yaxın tələbəmiz ali təhsil alır”, - Bayramov bildirib.
Qeyd edək ki, son günlər Çinin Vuhan şəhərində təhlükəli koronavirus yayılıb. İndiyədək xeyli sayda ölən var. Ölkənin əksər şəhərlərində bununla bağlı fövqəladə vəziyyət elan olunub.