Hərəkat ölkənin 34 əyalətindən 24-nə nəzarət əldə edib
“Taliban” hərəkatı Nanqarxar əyalətinin Cəlalabad şəhərini tutub. AYNA xarici mediaya istinadən bildirir ki, bununla da “Taliban” ölkənin 34 əyalətindən 24-nə nəzarət əldə edib.
Qeyd edilir ki, şəhər döyüşsüz təhvil verilib. Dünən isə “Taliban” Şaran, Asadabad və Qardez əyalətlərini, Fəryab və Bəlx vilayətlərinin mərkəzləri Meymunə və mühüm əhəmiyyətə malik Məzari-Şərif şəhərlərini tutublar.
Xatırladaq ki, paytaxt Kabildən başqa Əfqanıstanın ən böyük şəhərləri artıq “Taliban” hərəkatının nazarətindədir.
Əfqanıstan insan hüquqları üzrə Komissiyasının məlumatına görə, son bir ayda taliblər 1200-dən artıq dinc sakini qətlə yetirib, 1 milyondan çox sakin evlərini tərk edib. Təxminən 20 milyon əfqanın humanitar yardıma ehtiyacı var.