Əməkdar İncəsənət xadimi bu gün səhər saatlarında dünyasını dəyişib
Əməkdar İncəsənət xadimi, şair Çingiz Əlioğlu bu gün səhər saatlarında vəfat edib. AYNA.AZ APA-ya istinadən xəbər verir ki, bu barədə onun oğlu Orman Çingizoğlu bildirib.
Qeyd edib ki, şairin cənazəsi sabah dəfn ediləcək.
Çingiz Əlioğlu ilə vida mərasimi sabah 11:00-da Təzə Pir məscidində keçiriləcək.
Xatırladaq ki, Çingiz Əlioğlu 1944-cü ildə Füzuli rayonunda anadan olub. Azərbaycan ədəbiyyatı və mədəniyyətinin inkişafındakı xidmətlərinə görə 1991-ci ildə Azərbaycanın Əməkdar mədəniyyət işçisi və 2005-ci ildə Azərbaycanın Əməkdar İncəsənət xadimi fəxri adlarına layiq görülüb.
Allah rəhmət eləsin!