“Almaniya bu cür hadisələrdən kifayət qədər qorunmur, çünki əks tədbirlər texnologiyaları hələ hər yerdə tətbiq olunmayıb”
Almaniyanın “Rheinmetall” müdafiə şirlətinin rəhbəri Armin Papperger Almaniyanı PUA-lara qarşı müdafiəsini gücləndirməyə çağırıb. O, ölkənin bu cür təhdidlərdən kifayət qədər qorunmadığını hesab edir.
AYNA.AZ-ın məlumatına görə, Papperger DPA xəbər agentliyinə bildirib ki, "bu cür hücumları tez bir zamanda necə bilməyi və lazım gələrsə, bu dronları vurmağı öyrənmək üçün təcili tədbirlər görməliyik".
O əlavə edib ki, Almaniya "bu cür hadisələrdən kifayət qədər qorunmur", çünki əks tədbirlər texnologiyaları hələ hər yerdə tətbiq olunmayıb.
"Aeroportlardan başqa, bizim bir çox digər vacib infrastruktur obyektlərimiz var", o əlavə edib.
“Rheinmetall” rəhbəri hesab edir ki, bu sahədə qanunvericiliyin daha da islah edilməsi zəruridir.
Qeyd edək ki, Leypsiq/Halle hava limanında dronla bağlı hadisə aşkarlanıb.