"ABŞ digər ölkələrlə münasibətləri müəyyən həddə saxlamaq üçün iqtisadi vəziyyətdə deyil"
“İranla əməkdaşlıq edən ölkələr Vaşinqtonun İslam Respublikası ilə hazırkı və gələcək ticarət tərəfdaşlığı ilə bağlı təhdidlərini ciddiyə almırlar”. AYNA.AZ bildirir ki, bu sözləri İran Parlamentinin sədri Məhəmməd Bağır Qalibaf deyib.
Qalibaf “X”də yazıb: "İranın ticarət tərəfdaşları həm mediada, həm də İslam Respublikası rəhbərliyinə göndərilən mesajlarda ABŞ-ın bəyanatlarını nəzərə almadıqlarını açıq şəkildə bildiriblər".
İran Parlamenti sədrinin sözlərinə görə, "amerikalılar özləri bilirlər ki, artıq heç kim onların möhtəşəm açıqlamalarına inanmır".
Qalibaf hesab edir ki, "ABŞ digər ölkələrlə münasibətləri müəyyən həddə saxlamaq üçün iqtisadi vəziyyətdə deyil".
Qeyd edək ki, ABŞ Prezidenti Donald Tramp daha əvvəl İrana qarşı görünməmiş miqyasda "iqtisadi müharibə və təcrid"in başladığını elan edib. Amerika lideri həmçinin maliyyə qurumları, biznesləri, hava limanları və ya dövlət qurumları Tehranı dəstəkləyən ölkələrin ABŞ-dan ciddi iqtisadi nəticələrlə üzləşəcəyi barədə xəbərdarlıq edib.