Ermənistan Baş naziri Avrasiya Hökumətlərarası Şurasının iclasında iştirak edəcək
Ermənistanın Baş naziri Nikol Paşinyan Qırğızıstana iki günlük səfər edib. AYNA.AZ-ın erməni mediasına istinadən məlumatına görə, onun mətbuat katibi Melaniya Harutyunyan bildirib ki, Baş nazir Çolpon-Atada keçiriləcək Avrasiya Hökumətlərarası Şurasının növbəti iclasında iştirak edəcək.
Paşinyan əvvəllər Ermənistanın Rusiya bazarına ixracına qoyulan məhdudiyyətlər məsələsini həll etmək üçün Rusiya ilə müzakirələri davam etdirəcəyini bildirmişdi.