Gəmi Latviyanın tələbi ilə Norveç hakimiyyəti tərəfindən saxlanılıb
Norveç hakimiyyəti Baltik dənizində sualtı kabelə ziyan vurmaqda şübhəli bilinərək rusiyalı ekipajla birlikdə “Silver Dania” gəmisini saxlayıb. AYNA xarici mediaya istinadən xəbər verir ki, bu barədə Norveç polisi bildirib.
Qeyd olunub ki, gəmi Norveçdə qeydiyyatdadır və Norveç bayrağı altında üzür, lakin göyərtəsində olan bütün heyət Rusiya vətəndaşlarıdır. Gəmi Latviyanın tələbi ilə Norveç hakimiyyəti tərəfindən saxlanılıb.
Nəşrin məlumatına görə, polis gəmidə axtarış aparır və ekipajı dindirir.