Navalnı həbsxanada 2,5 il cəza çəkəcək
Moskvanın Simonovski şəhər məhkəməsi Navalnının "İv Roşe" işi üzrə şərti cəzasını ləğv edərək onu 3,5 illik real həbs cəzası ilə əvəz edib.
AYNA xarici mətbuata istinadən xəbər verir ki, Navalnının həbsi ümumi rejimli cəzaçəkmə müəssisəsində davam edəcək. Onun "İv Roşe" işi üzrə ev dustaqlığında keçirdiyi 1 il nəzərə alınaraq həbsxanada 2,5 il cəza çəkəcək.
Qərar elan olunarkən Navalnı gülümsəməyə çalışsa da, həyat yoldaşı Yuliya Navalnaya göz yaşlarını saxlaya bilməyib.