6 nəfər tüstüdən zəhərlənib
Türkiyənin Marmaris sanatoriyasında beşulduzlu oteldə yanğın baş verib. AYNA.AZ TRT-yə istinadən xəbər verir ki, 6 nəfər tüstüdən zəhərlənib. Onlar xəstəxanaya çatdırılıb.
Otel Marmarisin İçmələr bölgəsində yerləşir. Burada Türkiyənin digər bölgələrindən 680-ə yaxın qonaq olub.
İlkin məlumata görə, yanğın səhər saatlarında otelin qazanxanasında başlayıb. Dərhal hadisə yerinə gələn xilasedicilər yanğını tez bir zamanda söndürüblər.