Yaponiyanın “Medicaroid” şirkəti təklif verib
Yaponiyanın tibb robotları hazırlayan “Medicaroid” şirkəti səhiyyə işçilərinin koronavirusa yoluxmasının qarşısını almaq məqsədilə testlərin robotlar tərəfindən aparılmasını təklif edib. AYNA xarici mediaya istinadən bildirir ki, şirkət tərəfindən təklif olunan sistem bir neçə robotdan istifadə olunmasını nəzərdə tutur.
Bu robotlardan biri test keçirilən şəxsdən nümunə götürəcək, ikinci robot həmin nümunəni sınaq qurğusuna yerləşdirəcək. Üçüncü robot isə reagentləri idarə edəcək.
Şirkət nümayəndələrinin bildirdiyinə görə, sistemin əsas aparıcı elementi həkimlərə xəstədən müəyyən məsafədə qalmağa şərait yaradan nümunələri götürəcək robot olacaq. “Medicaroid”in yerləşdiyi Kobe şəhəri şirkətə 460 min dollar maliyyə yardımı göstərməklə yanaşı, testlərin aparılması üçün xəstəxanalar və sınaq meydançaları təşkil edəcək.