Ölüm hallarının əksəriyyəti 75 yaş və yuxarı insanlar arasında olub
Fransada isti dalğası zamanı ən azı 817 ölüm halı qeydə alınıb. AYNA.AZ-ın “Eurointegration.com.ua” saytına istinadən məlumatına görə, Milli Səhiyyə Agentliyi xəbər yayıb.
Bildirilib ki, bu, Fransanın son dərəcə yüksək temperatur yaşadığı 27 iyuldan 20 avqusta qədər olan dövrə aiddir.
Bu, iyun ayından və isti dalğaları seriyasının başlanğıcından bəri qeydə alınan ümumi ölüm hallarının sayını təxminən 8000-ə çatdırır.
Qeyd olunub ki, ölüm hallarının əksəriyyəti 75 yaş və yuxarı insanlar arasında olub.
Milli Səhiyyə Agentliyi 17 iyundan 2 iyula qədər olan dövrdə artıq 5764 ölüm halı, 3 iyuldan 20 iyula qədər olan dövrdə isə 1243 ölüm halı qeydə alıb.
Aİ-nin rəsmi məlumatlarına görə, avqust ayı qlobal istiləşmənin pisləşən təsirlərini göstərən ən isti aylardan biri olub.