"Biz ayıq-sayıq qalırıq, lakin Estoniyanın təhdid qiymətləndirməsi dəyişməyib”
Estoniya xarici işlər naziri Marqus Tsahkna Rusiyanın NATO-ya qarşı törədə biləcəyi "mümkün təxribatları" ciddi şəkildə nəzərdən keçirməyə çağırıb. AYNA.AZ xəbər verir ki, çağırış nazirin “X” sosial media platformasında edilib.
"Biz ayıq-sayıq qalırıq, lakin Estoniyanın təhdid qiymətləndirməsi dəyişməyib. Moskvaya NATO-nun bir olduğu və kollektiv müdafiəmizin etibarlı qaldığı barədə siqnal nə qədər aydın olarsa, bir o qədər yaxşıdır. Rusiyanın səhv hesablamaq hüququ olmamalıdır", Tsahkna yazıb.