20-ci əsrin ən nüfuzlu sənətçilərindən biri 89 yaşında dünyasını dəyişib
Britaniyalı rəssam Devid Hokni Londonda vəfat edib. Müasir incəsənətin ən nüfuzlu simalarından biri olan Hokni 89 yaşına bir ay qalmış mənzilində dünyasını dəyişib. AYNA.AZ xarici mediaya istinadən bildirir ki, bu barədə sənətçinin agenti Erika Bolton 12 iyunda məlumat yayıb.
Hokninin bədii karyerası "təsvir və perspektivin əsaslarının intellektual araşdırılması" və "ətrafımızdakı dünyanı qeyd etməyə və təsvir etməyə sadiqlik" ilə yadda qalıb.
Yaşına və sağlamlığının pisləşməsinə baxmayaraq, Hokni ölümünə qədər yaradıcılığını davam etdirib. Onun son əsərləri hazırda Londonun Serpentine Qalereyasında nümayiş olunur. Oslodakı Tate Qalereyasında və “Munch” Muzeyində yeni sərgilər hazırlanır.
Hokni Böyük Britaniyada doğulub böyüyüb. Lakin 1960-cı illərdən bəri vaxtını Böyük Britaniya və Los-Ancelesdə keçirib. Hokni Amerika pop sənətinin, eləcə də London Britaniya Məktəbinin aparıcı simalarından biridir. O 20-ci əsrin ən populyar və çoxşaxəli sənətçilərindən biri hesab olunur və əsərləri dünya muzeylərində saxlanılır.
2018-ci ildə onun 1972-ci ildə çəkdiyi "Bir rəssamın portreti” rəsmi “Christie's”də 90,3 milyon dollara satılıb. Bu, yaşayan bir sənətkar üçün yeni və hələ də qırılmamış hərrac rekordu olub.