Hərbi və xüsusi rütbəli şəxslərə də noyabr ayının pensiyaları ödənilib
Noyabr ayı üzrə pensiyaların ödənişi başa çatdırılıb. Bu barədə AYNA-ya Dövlət Sosial Müdafiə Fondundan məlumat verilib.
Bildirilib ki, dövlət qulluqçuları, hərbi və xüsusi rütbəli şəxslərə də noyabr ayının pensiyaları ödənilib. Vətəndaşlar pensiyalarını Beynəlxalq Bankdan və Kapital Bankdan onlara verilmiş kartlar vasitəsilə həmin bankın bankomatlarından əldə edə bilərlər.
Qeyd edək ki, Bakı və Sumqayıt şəhərləri, Abşeron rayonu üzrə noyabr ayının pensiyaları bu ayın 6-da ödənilib.