Koman komandadan təxminən 2 həftə kənar qalacaq
Almaniyanın "Bavariya" klubunun futbolçusu Kinqsli Koman ürəyindən əməliyyat olunub.
AYNA-nın məlumatına görə, bu barədə Münhen təmsilçisinin baş məşqçisi Yulian Nagelsman klubun rəsmi saytına açıqlamasında bildirib.
O, fransalı oyunçunun ürəyində kiçik problemlərin olduğunu söyləyib: "Bəzən nəfəs almaqda çətinlik çəkirdi. Bu səbəbdən, əməliyyata ehtiyac duyulub. Koman komandadan təxminən 2 həftə kənar qalacaq".
Qeyd edək ki, Kinqsli Koman cari mövsüm 4 matçda meydana çıxıb.