Noyabrın 14-15-də növbəti dəfə əlavə gücləndirilmiş dezinfeksiya işləri aparılacaq
Paytaxtın kommunal strukturları tərəfindən, son günlərdə COVID-19-a yoluxanların sayında artımın olması nəzərə alınaraq noyabrın 14-15-də xüsusi texnika və əməkdaşlar tərəfindən Bakı şəhəri üzrə əsas küçə, prospekt və yollarda xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılacaq.
Bakı Şəhər İcra Hakimiyyətindən AYNA-ya bildirilib ki, bununla əlaqədar maddələrin qəbul olunmuş müəyyən toksikliyini nəzərə alaraq sakinlərdən ciddi zərurət yaranmadığı təqdirdə qeyd olunan tarixlərdə küçəyə çıxmamaq xahiş olunur.