Əməkdar jurnalist Əli İldırımoğlu dünyasını dəyişib
Azərbaycan Jurnalistlər Birliyinin məclisi dərin kədər hissi ilə bildirir ki, qocaman jurnalist, tanınmış nasir və publisist, Əməkdar jurnalist Əli İldırımoğlu noyabrın 17-də 93 yaşında vəfat etmişdir.
Azərbaycanda neçə-neçə peşəkar jurnalist nəslinin yetişməsində böyük əməyi olan Əli İldırımoğlu 1927-ci ildə Oubadlı rayonunda anadan olmuşdur. Gənclik illərinin müəyyən dövründə pedaqoji sahədə çalışdıqdan sonra, 1950-ci illərin əvvəllərində həyatını jurnalistikaya bağlamış, əvvəlcə Qubadlı rayonunda nəşr edilən "Avanqard" qəzetində məsul katib, sonra isə redaktor vəzifələrində işləmiş, 1955-1991-ci illərdə "Kommunist" qəzetinin zona müxbiri kimi fəaliyyət göstərmiş, bir sıra dövlət və media mükafatları ilə təltif edilmişdir.
Azərbaycan Jurnalistlər Birliyinin məclisi yazıçı - publisist Əli İdırımoğlunun vəfatından kədərləndiyini bildirir, mərhumun ailəsinə dərin hüznlə başsağlığı verir.