Sessiya hibrid formatda keçirilir
Avropa Şurası Parlament Assambleyasının (AŞPA) keçirilən qış sessiyası başlayıb. AYNA xarici mediaya istinadən bildirir ki, sessiya hibrid formatda keçirilir.
Azərbaycan sessiyada Milli Məclisin AŞPA-dakı daimi nümayəndə heyətinin rəhbəri, beynəlxalq münasibətlər və parlamentlərarası əlaqələr komitəsinin sədri Səməd Seyidovun başçılıq etdiyi nümayəndə heyəti ilə təmsil olunur.
Qış sessiyası zamanı COVID-19 pandemiyasına qarşı peyvəndlə bağlı müzakirələr aparılacaq. Təşkilata üzv ölkələrdə QHT-lərin fəaliyyətində məhdudiyyətlər, eləcə də xroniki və uzun müddətli xəstəlikləri olan insanlara qarşı ayrı-seçkilik və digər məsələlər də sessiyanın gündəliyində yer alıb.