Kritik infrastruktur operatorlarına dronlara qarşı müstəqil şəkildə tədbir görmək hüququ verilməsi planlaşdırılır
Almaniya Daxili İşlər Nazirliyi (DİN) ölkəni naməlum dronlardan və kiberhücumlardan qorumaq üçün plan hazırlayıb. AYNA.AZ xəbər verir ki, bu barədə "Bild" məlumat yayıb.
Məlumatda deyilir ki, "Federal Polisin mobil anti-dron bölməsinin genişləndirilməsi: strateji əhəmiyyətli şəhərlərdə yeni, sürətlə yerləşdirilə bilən bölmələrin (helikopterlər, təcili yardım maşınları) köməyi ilə şəhər dronlardan tam qorunmalıdır".
Kritik infrastruktur operatorlarına dronlara qarşı müstəqil şəkildə tədbir görmək hüququ verilməsi planlaşdırılır. Bundan əlavə, hakimiyyət potensial terrorçuları və agentləri müəyyən etmək üçün süni intellekt, üz tanıma sistemləri və video nəzarətdən istifadəni genişləndirmək istəyir.
Digər bir tədbir isə milli kiberhücumlardan qorunma sisteminin – “Cyberdome”un yaradılması olacaq. “Bild”in məlumatına görə, bu sistem hakerlərin dövlət qurumlarına və şirkətlərin sistemlərinə daxil olmaq cəhdlərini aşkarlayacaq və ələ keçirəcək.