Qoşunların geri çəkilməsi ilə bağlı cədvəlin təfərrüatları açıqlanmayıb
ABŞ Prezidenti Donald Tramp Somalidəki Amerika əsgərlərinin əksəriyyətinin 2021-ci ilin əvvəlinə qədər geri çəkilməsini əmr edib. AYNA xəbər verir ki, bu barədə ABŞ Müdafiə Nazirliyi (Pentaqon) məlumat yayıb.
“Prezident Tramp Müdafiə Nazirliyinə və ABŞ Afrika Komandanlığına Somalidəki hərbi personalın 2021-ci ilin əvvəlinə qədər yerlərini dəyişdirməyi tapşırıb”, - deyə məlumatda qeyd olunub.
ABŞ-ın Somalidə təxminən 700 nəfər hərbi qulluqçusunun olduğu bildirilsə də, təhlükəsizlik səbəbiylə geri çəkilmə cədvəlinin təfərrüatları açıqlanmayıb.
Digər tərəfdən, “Wall Street Journal” nəşri Somalidən geri çəkiləcək əsgərlərin bir qisminin Keniya və Cibutidəki hərbi bazalara köçürülə biləcəyini iddia edib.