Angelo Kaloianın vəkili qərardan apellyasiya şikayəti verəcəklərini bildirib
1989-2009-cu illər arasında Vatikan Bankının sədri vəzifəsini icra edən Angelo Kaloia və bankın hüquq müşavirləri Qabriel Liuzzo və oğlu Lamberto Liuzzo korrupsiya ittihamı ilə həbs ediliblər. AYNA xarici mətbuata istinadən xəbər verir ki, 2018-ci ildə başlayan məhkəmə prosesi nəticəsində Vatikan Məhkəməsinin sədri Cüzeppe Piqnatone Angelo Kaloia və Qabriel Liuzzo 8 il 11 ay həbs cəzası və 12 min 500 avro pul cəza verildiyini açıqlayıb.
Piqnatone, həmçinin Lamberto Liuzzo da 5 il 2 ay həbs və 8000 avro pul cəzasına məhkum olduğunu vurğulayıb.
Lakin hər üç şəxs ittihamları rədd edib. Kaloianın vəkili isə qərardan apellyasiya şikayəti verəcəklərini bildirib.
Qeyd edək ki, Angela Kaloia Vatikanda maliyyə cinayətində günahlandırılan ən yüksək vəzifəli Vatikan məmurudur.