ABŞ Ali Məhkəməsi Trampın iddiasını rədd edib
Donald Tramp Co Baydenin seçkilərdə qələbəsinin ləğvi ilə bağlı iddiasının Ali Məhkəmə tərəfindən rədd edildiyinə görə məyus olduğunu bildirib.
AYNA xəbər verir ki, Prezident Tramp “Twitter”də ABŞ Ali Məhkəməsinin Texas əyalətinin Baydenin qələbəsinin rədd edilməsinə dair iddiasını rədd etdiyini ifadə edərək “bizi həqiqətən məyus etdi”, - deyə paylaşım edib. Tramp Ali Məhkəmənin qərarını "ağılsızlıq" və “cəsarətsizlik" adlandırıb.
Qeyd edək ki, məhkəmə dünən Texas əyalətinin 18 Respublikaçı vəkil və 126 Nümayəndələr Palatasının dəstəyi ilə Baydenin qələbəsinə qarşı iddianı rədd etdiyini elan edib.
Xatırladaq ki, qeyri-rəsmi nəticələrə görə, Bayden 3 Noyabrda ABŞ-da keçirilmiş 59-cu prezident seçkilərində qalib olduğu deyilsə də, seçkilərdə fırıldaqçılıq olduğunu iddia edən Tramp nəticələri qəbul etmədiyini açıqlayaraq qanuni yollara baş vuracağını bildirmişdi. Lakin Tramp komandasının bir çox əyalətdə qaldırdığı iddia rədd edilib.