Meyit batdığı ərazidən bir qədər aralıda aşkarlanıb
Tovuz rayonunda çayda batan 22 yaşlı oğlanın meyiti aşkarlanıb. AYNA.AZ xəbər verir ki, 2004-cü il təvəllüdlü İlham Şirinovun meyiti bu gün səhər saatlarında batdığı ərazidən bir qədər aralıda tapılıb.
Axtarış-xilasetmə işləri Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin Şəmkir dalğıc-axtarış qrupu tərəfindən həyata keçirilib.
Meyit sudan çıxarıldıqdan sonra müayinə üçün Məhkəmə Tibbi Ekspertiza və Patoloji Anatomiya Birliyi Publik Hüquqi Şəxsin Tovuz rayon şöbəsinə təhvil verilib.
Hadisə ilə bağlı araşdırma aparılır.