Hər bir saat təkrarolunmazdır və Londondakı “Phillips” hərrac evi vasitəsilə satılacaq
“Rolex” fəsillərdən ilhamlanaraq unikal “Cosmograph Daytona Four” (Dörd fəsil) kolleksiyasını hərraca çıxaracaq. Hər bir saat təkrarolunmazdır və Londondakı “Phillips” hərrac evi vasitəsilə satılacaq.
AYNA.AZ xarici mediaya istinadən bildirir ki, "Yaz" modelində yaşıl xrizopraz siferblatı, bənövşəyi brilyant saat işarələri və 36 trapesiya şəklində kəsilmiş bənövşəyi sapfirdən ibarət çərçivə dəsti var.
"Yay" modelində firuzəyi siferblat və çəhrayı sapfirlərdən ibarət çərçivə dəsti, "Payız" modelində isə xardal-sarı mukait siferblatı və yaşıl turmalinlər var.
"Qış" modeli kolleksiyanı mavi opal siferblat və mavidən fuşsiyaya qədər dəyişən sapfirlərdən ibarət çərçivə dəsti ilə tamamlayır.
Kolleksiya 18 karatlıq “Everose” sarı, ağ və ya çəhrayı qızıldan və ya 950 əyarlı platindən hazırlanıb. Hər saatın qapaqlarında 54 parlaq kəsilmiş brilyant və fərdi olaraq seçilmiş qiymətli daş saat işarələri də var.
Hərrac sentyabrın 28-də keçiriləcək və bütün gəlir “Rocer Federer” Fonduna və Leonardo DiKaprionun həmtəsisçisi olduğu “Re:wild” ətraf mühit təşkilatına gedəcək. Hər bir modelin dəyərinin təxminən 5 milyon dollar olduğu təxmin edilir.