Ordumuz düşməndən Bərdənin qisasını aldı - <font color=red> VİDEO</font>

Aktual

28.10.2020 - 12:58

Ermənistanın xeyli canlı qüvvəsi və hərbi texnikası məhv edilib

 

Azərbaycan Ordusu Ermənistan silahlı qüvvələrinin Bərdə rayonunun Qarayusifli kəndində törətdiyi qanlı terror cinayəti nəticəsində həlak olan şəhidlərimizin qisasını alıb.

 

AYNA xəbər verir ki, ordumuzun bölmələrinin dəqiq zərbələri nəticəsində düşmənin xeyli sayda canlı qüvvəsi və hərbi texnikasının məhv edildiyinə dair videogörüntülər var.

 

Bərdə şəhidlərinin qisasını düşməndən layiqincə alan ordumuz ötən gün ərzində və gecə saatlarında cəbhənin müxtəlif istiqamətlərində düşmənin xeyli sayda canlı qüvvəsini, eləcə də 1 ədəd “Osa” ZRK, 3 ədəd BM-21 “Qrad” yaylım atəşli reaktiv sistemi, 6 ədəd D-30, 5 ədəd D-20 və 1 ədəd D-44 topu, 2 ədəd 2A36 “Qiasint-B” topu, 1 ədəd 120 mm minaatan, 1 ədəd “Konkurs” tank əleyhinə raket kompleksi və 6 ədəd avtomobil texnikası məhv edərək sıradan çıxarıb.

 

Xatırladaq ki, Ermənistan silahlı qüvvələrinin oktyabrın 27-də saat 16 radələrində Bərdə rayonunun Qarayusifli kəndini müxtəlif istiqamətlərdən ağır artilleriya atəşinə tutması nəticəsində dörd mülki şəxs - İsmayılov Ehtiram Xəlil oğlu, Cəfərova Ofeliya Məcid qızı, Əhmədova Aybəniz Əşrəf qızı və 2013-cü il təvəllüdlü İsgəndərova Aysu Rövşən qızı həlak olublar.

 

Azərbaycan Ordusunun sarsıdıcı zərbələri qarşısında duruş gətirə bilməyərək geri çəkilən Ermənistan ordusu işğalçı ölkənin hərbi-siyasi rəhbərliyinin bilavasitə göstərişi ilə yaşayış məntəqələrimizi və dinc əhalini hədəfə alır.

Müəllif: Ayna.az