Azərbaycan nefti 97,6 dollara satılır
Dünya birjalarında neft bahalaşıb. AYNA.AZ xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,68 dollar artaraq 95,33 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,35 dollar artaraq 90,57 dollar təşkil edib.
Azərbaycan neftinin də qiyməti artıb. “Azeri Light” markalı neftin bir bareli 4,72 dollar və ya 5,08 faiz bahalaşaraq 97,61 dollar olub.
Qeyd edək ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.