“ABŞ-da yetərincə tədbirlər görülməzsə, vəziyyət pik həddə çatacaq”
ABŞ prezidenti Donald Trampın yaratdığı koronavirusla mübarizə birliyinin mütəxəssisi, həkim Antoni Fauci son müsahibəsində bir daha təkrarlayıb ki, COVİD-19 hələ uzun sürəcək.
AYNA xarici mediaya əsasən xəbər verir ki, həm də ABŞ-ın Beynəlxalq Allergiya və İnfeksion Xəstəliklər İnstitutunun direktoru olan Faucinin sözlərinə görə, ABŞ-da yetərincə tədbirlər görülməzsə, vəziyyət pik həddə çatacaq: “Bu səbəbdən ABŞ bütün tibbi və sosial vəziyyətlərə qabaqcadan hazır olmalıdır”.
O, hazırda Mərkəzi Massaçusettsdə olan “Moderna Therapeutics” adlı şirkətin hazırladığı vaksinin ümidverici preparat olduğunu dilə gətirib: “Yeni dərmanın heyvanlar üzərindəki sınaqları uğurlu olub. İnsanlar üzərində də çox qısa vaxtda, 42 günə başlayıblar”.
Fauci ABŞ-ın irəli sürdüyü “virus laboratoriyada yaradılıb” iddasını rədd etdiyini də vurğulayıb.