"Putinin Kiyevi tutmaq planını Vatikan və İsrail pozdu"
Belarus prezidenti Aleksandr Lukaşenko Kremlin Ukraynanı ildırım sürətində ələ keçirmək üçün ilkin planının uğursuzluğunu Vatikanın və İsrailin müdaxiləsi ilə əlaqələndirib.
AYNA.AZ bildirir ki, BelTA rəsmi xəbər agentliyinin verdiyi məlumata görə, Əl-Ərəbiyyə” telekanalına verdiyi müsahibədə o, Rusiya qoşunlarının sürətli qələbəsinin nüfuzlu beynəlxalq təşkilatların qəsdən aldatma ilə pozulduğunu iddia edib.
Belarus lideri blitskriqin uğursuzluğuna görə birbaşa Müqəddəs Taxt-tac və İsrail rəhbərliyini günahlandırıb: “Bilirəm ki, bu qüvvələr bizi aldatdılar. Bu, Vatikan idi. Təəccüblüdür ki, yəhudi lobbisi, israillilər. Onlar Zelenskinin adından bəyan etdilər: “Yaxşı, biz sülhə gedirik, razıyıq.” Başqaları da belə etdilər”.
Lukaşenko deyib ki, münaqişənin əvvəlində beynəlxalq ictimaiyyət Rusiya ordusunun qaçılmaz qələbəsinə şübhə etmirdi. Onun fikrincə, Moskva öz bölmələrinin irəliləməsini dayandırmasaydı, Zelenski də daxil olmaqla, hazırkı Ukrayna rəhbərliyi tamamilə məhv olacaqdı. Siyasətçi iki tərəfin hərəkətlərini qiymətləndirməkdən imtina edib, lakin qeyd edib ki, o dövrdə şəxsi nəticələri yalnız döyüşlərin real mənzərəsinə əsaslanırdı.
Belarus lideri iddia edib ki, xarici vasitəçilər şəxsən Vladimir Putinə hücumu dayandırmaq, bölmələri Kiyevdən çıxarmaq və diplomatik prosesə başlamaq xahişi ilə müraciət ediblər və Rusiya diktatoru da bununla razılaşıb. Lakin Lukaşenko geri çəkilmənin əsl səbəblərini, yəni Kiyev sektorunda rus qoşunlarının ağır itkiləri və məğlubiyyətləri ilə bağlı olan səbəbləri tamamilə görməzdən gəlib. O, sadəcə bütün sülh təşəbbüslərinə baxmayaraq, genişmiqyaslı toqquşmaların yenidən başladığını bildirib.
Söhbətin sonunda siyasətçi etiraf edibi ki, bu günə qədər nə Kiyev, nə də Moskva ilkin geosiyasi məqsədlərinə nail ola bilməyiblər. Bununla belə, o, əlavə etdi ki, təşəbbüs artıq guya Rusiya tərəfinin əlindədir və onlar sistemli şəkildə irəliləməyə davam ediblər.