Elmar Məmmədyarov Ərəb Dövlətləri Liqasının baş katibi ilə görüşüb

Siyasət

27.09.2019 - 00:48

Elmar Məmmədyarov Əhməd Abul Qeyt ilə görüşüb

 

Azərbaycan Respublikasının xarici işlər naziri Elmar Məmmədyarov BMT BA-nın 74-cü sessiyası çərçivəsində Ərəb Dövlətləri Liqasının (ƏDL) baş katibi Əhməd Abul Qeyt ilə görüşüb.

 

Xarici İşlər Nazirliyindən AYNA-ya verilən məlumata görə, görüşdə Azərbaycan və Ərəb Dövlətləri Liqası arasında mövcud əməkdaşlığın hazırki səviyyəsindən məmnunluq ifadə edilib və əməkdaşlığın bir çox sahələrdə daha da dərinləşməsi üçün birgə səylərin intensivləşdirilməsinin vacibliyi vurğulanıb.

 

Tərəflər Qoşulmama Hərəkatının qarşıdan gələn Bakı Sammiti və Azərbaycanın Hərəkatda sədrliyi məsələlərini müzakirə ediblər.

 

Görüş əsnasında həmçinin regional təhlükəsizliyin gündəliyində duran bir sıra məsələlər, o cümlədən qarşılıqlı maraq doğuran digər mövzular ətrafında müzakirələr aparılıb.

 

Müəllif: Ayna.az