Sanitar-gigiyenik qaydalar pozulub
Çörək və unlu məmulatların istehsalı sexində nöqsanlar aşkar olunub. Bu barədə AYNA-ya Azərbaycan Qida Təhlükəsizliyi Agentliyindən (AQTA) bildirilib.
Agentlik əməkdaşları tərəfindən Şamaxı şəhəri, N.Nərimanov küçəsində fəaliyyət göstərən çörək və unlu məmulatların istehsalı sexində yoxlama keçirilib.
Yoxlama zamanı müəssisədə sanitar-gigiyenik vəziyyətin qənaətbəxş olmadığı, işçi heyətin tibbi müayinəyə cəlb olunmadığı, həmçinin mütəmadi olaraq dezinfeksiya, dezinseksiya, deratizasiya işlərinin aparılmadığı aşkar olunub. Nöqsanlarla bağlı qanunvericiliyin tələblərinə uyğun olaraq müvafiq tədbirlər görülüb.