Əgər Ermənistan-Türkiyə, Ermənistan-İran və indi də Ermənistan-Azərbaycan sərhədlərini ruslar qoruyursa, nədən danışa bilərik?!
Ermənistan Respublika Silahlı Qüvvələrinin Baş Qərargah rəisi Artak Davtyan “Sputnik Ermənistan”a müsahibəsində deyib ki, İrəvanın Rusiyadan əldə etdiyi silahları vaxtı gələndə nümyaiş etdirəcəklər: “Aktiv işlər davam edir. Düşünürəm ki, vaxtı gələndə bu əməkdaşlıq çərçivəsində alınan və əldə edilən vəsaitləri göstərəcəyik. Hazırda açıqlamağın məqsədəuyğun olmadığı bir çox vəsaitimiz var”.
Qarşımızda, bəlkə də istehzalı bir təbəssüm yarada bilən, daha bir erməni komandirinin lovğalığını göstərən tanış bir nümunə var. Davtyan, əlbəttə ki, “yeni bir müharibənin Azərbaycanın yeni ərazilərinin ələ keçirilməsinə səbəb olacağını” iddia edən Ermənistan Müdafiə Nazirliyinin keçmiş başçısı David Tonoyan kimi fantaziyalarına o qədər də güc vermədi. İndi bu "böyük taktik və strateq" haradadır? Dərin, qara bir çuxurda unutqanlıq və nifrətlə qonşuluq edir.
Davtyan da orada olacaq, yeganə sual zaman məsələsidir. Hələlik isə o, məcazi mənada desək, çılpaq dalı ilə kirpini qorxutmağa çalışır.
Ermənistan Təhlükəsizlik Şurasının katibi Armen Qriqoryan da onun yolu ilə gedir. “2020-ci ilin noyabr ayından başlayaraq arsenalımızı modernləşdirmək və yeniləmək üçün silah aldıq və bu proses davamlı olaraq gedir. Ermənistan hökuməti ordunu tamamilə modernləşdirmək niyyətindədir və bu vəzifə ən qısa zamanda həll olunacaq”, - deyə Qriqoryan Ermənistan İctimai Televiziyasına müsahibəsində bildirib.
Ümumiyyətlə, Ermənistanda yenidən ruhlanaraq, rus silahlarını almağa və bununla öyünməyə başlayıblar. Lakin müasir və keyfiyyətli silah üçün pulları yoxdur. Bundan əlavə, yalnız Rusiyaya silah müqabilində pul əvəzinə "natura ilə" ödəmək olar - suverenlik və müstəqilliyin növbəti atributlarından imtina etməklə. Artıq görürük ki, Ermənistan, əslində, hətta öz dəmir yoluna da malik deyil. Əslində yol ruslarındır. Və bir çox sahələrdə vəziyyət belədir.
Əgər Ermənistan-Türkiyə, Ermənistan-İran və indi də Ermənistan-Azərbaycan sərhədlərini ruslar qoruyursa, nədən danışa bilərik?! Əslində, bir vaxtlar İrəvanda Ermənistanın Rusiyanın Qafqazdakı forpostu olduğunu bəyan edən Boris Qrızlovun tezisi nəhayət həyata keçirildi. Yadımdadır, İrəvanda o vaxt bu sözlərdən çox narazı idilər. Amma zaman Qrızlovun haqlı olduğunu göstərdi.
Əslində, Ermənistan adlı bir dövlət yoxdur. Rusiyanın bu həqiqətdən irəli gələn bütün şərtlərlə Qafqazda bir forpostu var. Ermənistanın Rusiya silahlarının yeni partiyasını almasına gəlincə, onların olması kifayət deyil, həm də onlardan istifadə etmək üçün intellektin olması lazımdır. İntellekt isə yoxdur. Bu fikri ən azı müharibə dövründə ermənilər tərəfindən rusların tərifli “İsgəndər”inin atılması və partlamaması faktı sübut edir.
Onun qırıqları indi Bakıda Hərbi Qənimətlər Parkında nümayiş olunur. Parkda bir çox eksponat da var. 44 günlük müharibə zamanı ordumuz tərəfindən qənimət götürülən bütün bu silah və hərbi texnika yalnız Rusiyada istehsal olunub. Sadəcə olaraq, ermənilərdə başqa bir silah yox idi, yoxdur və olmayacaq. Bəli, ermənilərin qoyub getdiyi daha bir neçə rus silahı və salamat hərbi texnikası Bakıda keçirilən Qələbə Paradında nümayiş olundu.
Əlavə olaraq sizə 44 günlük müharibənin daha bir tragikomik epizodunu xatırlatmaq istərdim. Ermənistanın Baş naziri Nikol Paşinyan Ermənistan Respublikasının Rusiyadan Su-30SM qırıcıları hava raketləri olmadan aldığını etiraf etmək məcburiyyətində qalmışdı. O, belə bir qərarın məsuliyyətini ölkənin əvvəlki rəhbərliyinin üzərinə yıxdı.
"Bəli, təyyarəni aldıq, may ayında gətirildi və bəli, müharibədən əvvəl raketləri almağa vaxtımız yox idi. Yaxşı, təyyarələri siz alardınız ki, biz də raket alardıq. Niyə 26 yaşlı dövlətin döyüş qırıcı təyyarəsi yox idi, kimsə bunu izah edə bilərmi?" - deyə Paşinyan bildirmişdi.
Təbii ki, bu heyrətamiz manevrdə qonşu ölkənin hökumətlərindən kimin daha çox günahkar olması bizi maraqlandırmır. Biz yalnız bəyan edirik ki, Ermənistanın təhdid etdiyi heç də bütün silahlar reallıqda işləmir.
Ancaq işləsə belə, Azərbaycanın bununla mübarizə aparacaq bir texnikası var. Ölkəmiz dünya silah bazarında olan ən yaxşısını alaraq Silahlı Qüvvələrini modernləşdirməyə davam edir. Hər şeydən əvvəl, hərbi sənaye kompleksi məhsulları Rusiya silahları ilə effektiv mübarizə qabiliyyətini sübut edən İsrail və Türkiyə kimi istehsalçı ölkələrdən.