Hər şərdə bir xeyir varmış, bu dəfə də elə olub
ABŞ-da qəribə hadisə baş verib. AYNA xarici mətbuata istinadən xəbər verir ki, Bruklində yerləşən restoranlardan birini qarət etdiyi və 18 yaşında olan bir qadına təcavüz etdiyi üçün 17 yaşlı Mark Denni 1987-ci ildə həbs edilib. Ona 57 il həbs cəzası verilib.
Mark Denni bu illər ərzində günahkar olmadığını iddia eləsə də, cəzasını çəkməli olub. Ancaq bu yaxınlarda onun işinə yenidən baxılıb və bütün həqiqət ortaya çıxıb. Aydın olub ki, Mark Denni günahkar deyilmiş.
Mütəxəssislər müəyyən ediblər ki, Denni restoran qarət olunan zaman başqa yerdə olub və polis onu bilərəkdən hədəfə alıb. Həmin zaman hadisəni araşdıran polisin Denninin şahidlərini sorğu-sual etmədiyi və istintaqı lazımi qaydada aparmadığı üzə çıxıb.
Günahsız yerə həbs çəkən Denniyə 9.75 milyon dollar təzminat ödəməyə qərar verilib.