“Yaxın Şərqdəki münaqişə bitdikdən sonra BƏƏ gec-tez İranla münasibətləri bərpa etmək məcburiyyətində qalacaq”
"İran qonşumuz olaraq qalır. Coğrafiya bizə alternativ qoymur. Bu, bütün Körfəz ölkələri üçün mərkəzi məsələdir”. AYNA.AZ xarici mediaya istinadən bildirir ki, bu sözləri Birləşmiş Ərəb Əmirlikləri (BƏƏ) Prezidentinin diplomatik məsələlər üzrə müşaviri Ənvər Qarqaş deyib.
Qarqaş bildirib ki, “Yaxın Şərqdəki münaqişə bitdikdən sonra Birləşmiş Ərəb Əmirlikləri gec-tez İranla münasibətləri bərpa etmək məcburiyyətində qalacaq”.
"İranla münasibətlər təkcə BƏƏ üçün deyil, həm də bütün Körfəz ölkələri üçün mərkəzi məsələ olaraq qalır. İran bizim qonşumuz olaraq qalır və bir anda bərpa edilə bilənləri bərpa etmək üçün bir yol tapmalı olacağıq. Coğrafiya bizə alternativ qoymur", - deyə o, Əbu-Dabidə Yaxın Şərqdə geosiyasət, iqtisadiyyat və təhlükəsizliyə həsr olunmuş beynəlxalq forum olan Hili Forumunda çıxışı zamanı bildirib.
Qarqaş vurğulayıb ki, ölkələr arasında etimadın bərpası "fərqli bir məsələdir", çünki "funksional münasibətlərin" qurulması daha asandır. Onun sözlərinə görə, etimadın bərpası "illər və bəlkə də onilliklər" ala bilər.