Ən böyük məsələ onun respublikaçılara yenidən maliyyə dəstəyi vermək qərarı olub
ABŞ Prezidenti Donald Tramp və iş adamı İlon Mask ötən yay baş verən ictimai mübahisədən sonra münasibətlərini bərpa ediblər. AYNA.AZ xəbər verir ki, bu barədə “The Wall Street” Journal mənbələrə istinadən məlumat yayıb.
Qəzetin məlumatına görə, yaxınlaşma Ağ Ev rəsmiləri, qarşılıqlı tanışlıqlar və bir neçə görüş, o cümlədən mühafizəkar fəal Çarli Kirkin ölümündən sonra keçirilən görüşlər sayəsində mümkün olub.
May ayında Trampın Çinə səfəri zamanı Mask Prezidentə “Air Force One” təyyarəsində qoşulub və mənbələrə görə, onlar səmimi söhbət ediblər. Mask Trampa ABŞ-da yeni fabriklər tikmək planları barədə danışıb və Ağ Ev müşavirləri ilə 2024-cü il prezidentlik kampaniyasını müzakirə edib.
Ən böyük məsələ isə onun respublikaçılara yenidən maliyyə dəstəyi vermək qərarı olub. İş adamı 2024-cü il seçkilərində Trampı dəstəkləmək üçün yaratdığı “America PAC” təşkilatı vasitəsilə ən azı 100 milyon dollar yönəltməyi planlaşdırır. Onun fəaliyyəti artıq 400 milyon dollardan çox vəsaiti olan “MAGA Inc.” ilə əlaqələndiriləcək.
Xatırladaq ki, 2025-ci ilin iyun ayında Mask Trampın təklif etdiyi federal xərclərin azaldılmasını açıq şəkildə tənqid edərək onları "iyrənclik" adlandırmışdı. Tramp tənqidçisinə "sus" deyərək cavab vermişdi. Bu münaqişə Mask üçün maliyyə itkiləri ilə nəticələndi: bir gündə o, 34 milyard dollar daha yoxsullaşdı.