Oğurluğu törədən şəxslər saxlanılıblar
Bakıda psixoloji xidmət mərkəzində oğurluq edən şəxslər tutulublar. Bu barədə AYNA-ya Daxili İşlər Nazirliyinin (DİN) Mətbuat Xidmətindən bildirilib.
Qeyd edilib ki, mayın 23-də rayon ərazisindəki psixoloji xidmət mərkəzindən 5300 manat dəyərində “iPad”, fotoaparat və 8 noutbuk oğurlamaqda şübhəli bilinən Bakı şəhər sakini K.Abdullayev, Ucar rayon sakinləri O.Məmmədov və A.Əhmədov Nəsimi Rayon Polis İdarəsinin 20-ci polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıblar. Faktla bağlı rayon polis idarəsi tərəfindən araşdırma aparılır.