Hadisə nəticəsində 1 nəfər xəsarət alıb
Bakıda mebel sexi yanıb. AYNA Fövqəladə Hallar Nazirliyinin (FHN) saytına istinadən xəbər verir ki, hadisə paytaxtın Nərimanov rayonunda qeydə alınıb.
Belə ki, ümumi sahəsi 1000 m² olan mebel sexinin yanar konstruksiyaları və içərisinə yığılan boya məhsulları 40 m² sahədə, bitişik ümumi sahəsi 40 m² olan avtomobil təmiri sexinin yanar konstruksiyaları və içərisində təmirə dayanan ”Opel” markalı minik avtomobilinin yanar hissələri yanıb. Yanğın zamanı 1 nəfər xəsarət alıb.