AZAL-ın təyyarəsi ilə Bosniya və Herseqovinaya koronavirusa qarşı peyvənd çatdırılıb
Bu gün “Azərbaycan Hava Yolları”nın (AZAL) təyyarəsi ilə Bosniya və Herseqovinanın paytaxtı Sarayevo şəhərinə koronavirusa qarşı 40 min peyvənd çatdırılıb.
AYNA xəbər verir ki, bu barədə AZAL məlumat yayıb.
Xatırladırıq ki, Prezident İlham Əliyevin tapşırığına əsasən, koronavirus infeksiyasının yayılmasına qarşı mübarizə üçün humanitar yardım olaraq, həmçinin Tacikistana 40 min “AstraZeneca” vaksininin dozası çatdırılacaq.
