Sanksiya siyahısına üç həbsxana, iki vətəndaş və dörd təşkilat adı salınıb
ABŞ hökuməti İrana qarşı sanksiyalarını genişləndirib.
AYNA xəbər verir ki, bu barədə ABŞ Maliyyə Nazirliyinin bəyanatında deyilir.
Belə ki, sanksiya siyahısına üç həbsxana da daxil olmaqla iki İran vətəndaşı və dörd İran təşkilatının adı salınıb.
Siyahıda yer alanlardan biri Şiraz şəhər İnqilab Məhkəməsinin hakimi Seyid Mahmud Sadati, ikincisi Məşhəd şəhər İnqilab Məhkəməsinin hakimi Məhəmməd Soltanidir.