“United Therapeutics” və “eGenesis”ə klinik sınaqların aparılmasına icazə verilib
ABŞ-da geni dəyişdirilmiş donuzların böyrəklərinin insanlara köçürülməsi üçün sınaqları təsdiqləyib. AYNA xəbər verir ki, bu barədə “The Washington Post” (WP) qəzeti yazıb.
Nəşrin məlumatına görə, Qida və Dərman İdarəsi iki şirkətə - “United Therapeutics” və “eGenesis”ə klinik sınaqların aparılmasına icazə verib.
Tədqiqat son mərhələdə böyrək çatışmazlığı olan altı xəstəni əhatə edəcək. Gələcəkdə iştirakçıların sayının 50-yə çatdırılması planlaşdırılır. “United Therapeutics”in ilk əməliyyatının 2025-ci ilin ortalarında baş tutacağı gözlənilir.
Qeyd olunur ki, “eGenesis” şirkəti tərəfindən daha üç böyrək köçürüləcək.