Bir neçə yol qar və buz səbəbindən bağlanıb: bir çox məktəb dərsləri ləğv edib
Yeni Zelandiyanın paytaxtı Vellinqtonda 15 ildən sonra qar yağıb. 4 avqustda həm Şimal, həm də Cənub adalarında, o cümlədən Kraystçörç və Dunedin adalarında qar yağıb.
AYNA.AZ xəbər verir ki, “Theguardian.com” saytının məlumatına görə, Cənub adasındakı üç hava stansiyası -9°C temperatur qeydə alıb.
Yeni Zelandiyada bir neçə yol qar və buz səbəbindən bağlanıb. Bir çox məktəb dərsləri ləğv edib. Polis buz və qar səbəbindən avtomobillərin yoldan çıxması ilə bağlı çoxsaylı hadisələr barədə məlumat verib və sakinləri səyahətdən çəkinməyə çağırıb.
Küçələrdə xizək və snoubord sürən insanların foto və videoları sosial mediada yayılıb. Bir videoda Dunedin şəhərindəki Baldwin küçəsində xizək sürən bir xizəkçinin videosu paylaşılıb. Bu küçə dünyanın ən dik yamacına malik küçəsi kimi Ginnesin Rekordlar Kitabına daxil edilib.