“Bundan öncə edilmiş çoxsaylı rəsmi bəyanatlara uyğun deyil”
ABŞ Dövlət Katibi Maykl Pompeo bu gün “WSB Atlanta” televiziya kanalında “Erik Erikson Şou” verilişində səsləndirdiyi fikirlər sırasında Ermənistan-Azərbaycan Dağlıq Qarabağ münaqişəsinə də toxunub.
Azərbaycan Respublikasının Xarici İşlər Nazirliyinin Mətbuat Xidməti İdarəsi məsələ ilə bağlı açıqlama yayıb.
XİN-dən AYNA-ya verilən məlumata görə, Azərbaycan tərəfi hesab edir ki, ABŞ Dövlət Katibinin fikirləri ABŞ Hökuməti tərəfindən münaqişə ilə bağlı bundan öncə edilmiş çoxsaylı rəsmi bəyanatlara uyğun deyil: “Bu fikirlər, həmçinin, ABŞ-ın ATƏT-in Minsk Qrupunun həmsədr ölkələrindən biri kimi statusuna uyğun gəlmir”.