Estoniyaya 181-ci Eskadrilyadan 76 nəfərlik heyət də göndəriləcək
Türkiyə NATO-nun Baltik Hava Polisi missiyasında iştirak etmək üçün Estoniyaya beş F-16 qırıcı təyyarəsi və 181-ci Eskadrilyadan 76 nəfərlik heyət göndərəcək. AYNA.AZ xəbər verir ki, bu barədə Türkiyənin "Hürriyet" qəzeti məlumat yayıb.
"Bu missiya NATO-nun şərq cinahının müdafiəsində böyük strateji əhəmiyyətə malikdir. Bu, Türkiyənin beynəlxalq çəkindirmə qabiliyyətlərinin gücləndirilməsinə, müttəfiq qüvvələrlə qarşılıqlı fəaliyyətinə və strateji potensialının artırılmasına əhəmiyyətli töhfə verəcək", - deyə Türkiyə Hərbi Hava Qüvvələrinin polkovnik-leytenantı Özdəmir "Anadolu" agentliyinə bildirib.
"Hürriyet"in məlumatına görə, avqust-noyabr ayları arasında növbələşəcək missiya öz qırıcı təyyarələri olmayan Latviya, Litva və Estoniyanın hava məkanında polis nəzarətini əhatə edəcək.