ABŞ Prezidenti İrana qarşı yeni zərbələr endirməyi əmr edib
ABŞ Prezidenti Donald Tramp İran liderlərini "zibil" adlandırıb və İrana qarşı yeni zərbələr endirməyi əmr edib. AYNA.AZ xəbər verir ki, bu barədə “The Washington Post” (WP) qəzeti məlumat yayıb.
"Onlar zibildir. Onlar xəstə insanlardır. Onlara xəstə insanlar rəhbərlik edir və onlar pis, zorakı insanlardır. Mənim fikrimcə, onlarla işləmək vaxt itkisidir. Onlar yalançıdırlar... Onlarda nəsə problem var. Onların ağlı başında deyil", - deyə Tramp bildirib.
Amerika lideri İranla danışıqların davam edə biləcəyini söyləyib, lakin danışıqların məhsuldarlığına son dərəcə şübhə ilə yanaşdığını vurğulayıb.
Tramp vaxtını İrana sərf etmək istəmədiyini, lakin Tehran istəsə, "gözəl" Amerika danışıqçılarının Tehranla danışıqları davam etdirməsinə icazə verəcəyini etiraf edib.