İran və İraq sərhəd təhlükəsizliyi və mühafizəsi ilə bağlı hərtərəfli anlaşma memorandumu imzalayıblar
İran və İraq sərhəd təhlükəsizliyi və mühafizəsi ilə bağlı hərtərəfli anlaşma memorandumu imzalayıblar. AYNA.AZ xəbər verir ki, bu barədə İran Parlamentinin sədri Məhəmməd Bağır Qalibaf İran Televiziyasında deyib.
O, İraqın xarici qüvvələrin sonuncu dəfə çıxarılması və müstəqil suverenliyinin möhkəmləndirilməsi ərəfəsində olduğunu bildirib.
Qalibaf həmçinin bildirib ki, Bağdada səfəri zamanı İraq rəsmiləri ona Hörmüz boğazındakı məhdudiyyətlərdən İraqın azad edilməsi məsələsini müzakirə etmək niyyətlərini bildiriblər.
İraq Parlamentinin sədri Mahmud əl-Məşhədani də öz növbəsində tərəflərin sərhəd təhlükəsizliyi və mühafizəsi sahəsində əməkdaşlığı davam etdirəcəklərini qeyd edib.
Daha əvvəl ABŞ-ın qoşunlarını 30 sentyabra qədər İraqdan tamamilə çıxarmağı planlaşdırdığı bildirilib. Məlumata görə, İraq Baş naziri Əli əl-Zeydi ABŞ Mərkəzi Komandanlığının (CENTCOM) komandanı admiral Bred Kuper ilə görüşdən sonra 30 sentyabrın "müəyyən və son tarix" olaraq qaldığını təsdiqləyib.