Omanla razılaşma İrana boğazdan keçən gəmiçilik üzərində nəzarəti ələ keçirməsinə səbəb ola bilər
İranın Omanla Hörmüz boğazı ilə bağlı razılaşması İslam Respublikasının oradan keçən gəmiçilik üzərində nəzarəti ələ keçirməsinə səbəb ola bilər. AYNA.AZ xəbər verir ki, bu barədə “Reuters” agentliyi bölgədəki üç yüksək vəzifəli məmura istinadən məlumat yayıb.
Razılaşmanın bu günə qədər İrana verilən ən böyük güzəştlərdən biri olduğu qeyd edilir.
Agentlik əlavə edib ki, boğazdan keçən gəmiçilik üzərində Omana nəzarət hüququ verən razılaşma, ABŞ və İsrailin fevral ayında başlatdığı müharibənin bölgədəki güc balansını Tehranın xeyrinə əhəmiyyətli dərəcədə dəyişdirəcəyi anlamına gələcək. Çünki bundan əvvəl bütün gəmilər boğazdan heç bir ödəniş olmadan sərbəst şəkildə keçirdi.
Çərşənbə günü İran Xarici İşlər Nazirliyinin sözçüsü İsmayıl Bəqayi İran və Omanın Hörmüz boğazından keçən yeni marşrutun coğrafi koordinatları barədə razılığa gəldiyini açıqlayıb. Daha əvvəl ABŞ Prezidenti Donald Tramp Vaşinqtonun Tehranla məsləhətləşmələri davam etdirdiyini və tezliklə razılaşma əldə olunacağını gözlədiyini bildirib.