Amerika şirkətləri “Qızıl Günbəz” texnologiyalarının əsas testlərini uğurla başa vurublar
“Qızıl Günbəz” raketdən müdafiə sisteminin hazırlanmasında iştirak edən bir neçə Amerika şirkəti texnologiyalarının ilk əsas sınaqlarını uğurla başa vurub. AYNA.AZ xəbər verir ki, bu barədə “Bloomberg” ABŞ Kosmik Qüvvələri generalı Maykl Qetleinə istinadən məlumat yayıb.
Onun sözlərinə görə, “SpaceX” və “Northrop Grumman” ilk sınaq seriyasını başa vuran şirkətlər arasındadır. Testlərin bir hissəsi olaraq, podratçılar sensorlardan tutuculara məlumatların ötürülməsini, eləcə də hərəkətverici sistemlərin işini yoxlayıblar.
Sınaqların birinci mərhələsini başa vurduqdan sonra şirkətlər növbəti mərhələyə keçəcəklər ki, bu mərhələdə də inkişaf etdirilən texnologiyaların imkanları birbaşa kosmosda nümayiş etdiriləcək.
“Qızıl Günbəz” ABŞ tərəfindən hazırlanan çoxqatlı raketdən müdafiə sistemidir və raket təhdidlərini aşkar etmək və tutmaq üçün yerüstü və kosmik aktivlərdən istifadəni əhatə edir.