Ölkələrin qoşunları və texnikası sərhəddən çəkilib
Qırğızıstan və Tacikistan hərbçilərini və texnikasını sərhəddən geri çəkmə prosesini başa çatdırıblar. AYNA TASS-a istinadən xəbər verir ki, bu barədə Qırğızıstan Milli Təhlükəsizlik Dövlət Komitəsinin Sərhəd Xidməti məlumat yayıb.
"Tərəflər dövlət sərhəd xəttindən ərazilərinə qədər əlavə qüvvə və varlıqların çıxarılmasını başa çatdırdı", - deyə açıqlamada qeyd edilib.
Qeyd edək ki, Tacikistan və Qırğızıstan sərhədindəki münaqişə zonasından qoşun və texnikanın geri çəkilməsinin başlanğıcı 1 mayda elan edildi. Bundan əvvəl tərəflər tam atəşkəs barədə razılığa gəliblər.