"Pfizer" uşaqları COVID-19 vaksini ilk peyvəndləməyə başlayır
ABŞ-ın nəhəng əczaçılıq şirkəti "Pfizer" 12-15 yaş arası uşaqlarda COVID-19-a qarşı Alman biotexnoloji şirkəti "BioNTech" ilə ortaq şəkildə istehsal olunan peyvəndin təcili istifadəsi üçün ABŞ Qida və Dərman İdarəsinə (FDA) müraciət etdiyini açıqlayıb.
AYNA xarici KİV-ə istinadən xəbər verir ki, "Pfizer"in sosial şəbəkə səhifəsində “2021-ci tədris ili başlamazdan əvvəl 12-15 yaşlı uşaqları vaksinasiya edəcəyimizə ümid edirik”, - deyə şərh verilib.
12-15 yaş arası uşaqlar üzərində "Pfizer-BioNTech" peyvəndinin klinik sınaqlarının nəticələri ötən ay açıqlanmışdı. Cəmi 2 min 260 nəfər üzərində aparılan araşdırma nəticəsində peyvənd olunmuş 12-15 yaş arasındakı uşaqların virusa qarşı antikor inkişaf etdirdikləri təyin olunmuşdu. Peyvəndin simptomatik hallara qarşı 100% təsirli olduğu vurğulanıb və heç bir təhlükəsizlik probleminin yaşanmadığı qeyd edilib.
"Pfizer-BioNTech" COVID-19 peyvəndi 16 yaşdan böyük insanlarda təcili istifadə üçün təsdiq edilib. "Moderna" və "Conson&Conson" peyvəndləri yalnız 18 və yuxarı yaşlarda istifadə üçün təsdiqlənib.