Məmmədyarovla Çavuşoğlu Tbilisidə görüşüblər
Azərbaycanın Xarici İşlər naziri Elmar Məmmədyarov və Türkiyənin Xarici İşlər naziri Mövlud Çavuşoğlu arasında görüş olub. AYNA xəbər verir ki, Gürcüstanın paytaxtı Tbilisidə baş tutan görüşdə ikitərəfli əməkdaşlıq məsələləri müzakirə edilib.
Nazirlər Azərbaycan, Gürcüstan və Türkiyənin birgə iştirakı ilə reallaşdırılan irimiqyaslı layihələri nəzərdən keçiriblər. Gələcək əməkdaşlığın perspektivləri, eləcə də qarşılıqlı maraq doğuran digər məsələlər ətrafında fikir mübadiləsi aparılıb.